- 配信日
- 2023年12月06日
- 配信先グループ
- नेपाली
- [IKN23-27]【औषधिको विवरण लेखेको कापी】
-
"औषधिको विवरण लेखेको कापी" औषधि पसल बाट प्राप्त गर्ने एक प्रकारको नोटकापी हो।
औषधि सम्बन्धि पढेर लाईसेन्स लिएको व्यक्ति (फार्मासिस्ट) ले यस नोटकापीमा औषधिको नाम, प्रयोग गर्ने तरिका र प्रयोग गर्दा अपनाउनु पर्ने सावधानीहरुको बारेमा लेखेर दिन्छ।
यो नोटकापी हेरेर तपाईले कहिले, कहाँ र कुन औषधि किनेको भन्ने कुरा थाहा हुन्छ।
"औषधिको विवरण लेखेको कापी" आफुसँग हुँदाका फाइदाहरु धेरै छन।
l अस्पताल जाँदा तपाईले प्रयोग गरिराखेको औषधिको बारेमा सही रुपमा जानकारी दिन सक्नुहुन्छ।
l औषधि किन्न जाँदा पसलमा एउटै औषधि दोहरिएर परेको छ कि छैन्, एकै साथ खानाले खराबी गर्ने औषधि परेको छ कि छैन् जस्ता कुराहरुको जाँच गराउन सक्नुहुन्छ।
l यात्रा गर्दा, प्राकृतिक प्रकोपको बेला, अचानक अस्पताल लगिएको बेला तपाईले सधै प्रयोग गरिराखेको औषधिहरु के हो भनेर थाहा हुन्छ।
l औषधि पसलमा "औषधिको विवरण लेखेको कापी" देखाउनु भयो भने तपाईले तिर्ने पैसा अलिकति कम हुन्छ।
अहिले सम्म कुनै रोग लागेको छ अथवा एलर्जी छ भने ति कुराहरुलाई "औषधिको विवरण लेखेको कापी" मा लेख्नुहोस्।
कुनै औषधि प्रयोग गर्दा स्वास्थ्यमा सुधार नभई झन अस्वस्थ महसुस भएको छ भने ति कुराहरुको बारेमा पनि लेख्नुहोस्।
सधै "औषधिको विवरण लेखेको कापी" साथमा बोकेर हिडी, आफ्नो स्वास्थ्यको बारेमा डाक्टर अथवा फार्मासिस्टलाई सही रुपमा जानकारी दिऔं।
※ यहाँ दिइएको लिङक नखुलेमा、infokanagawa@kifjp.org मा ईमेल मर्फत जानकारी गराउनु होस् ।
**********************
खानागावा अन्तराष्ट्रिय फाउण्डेशन
बहु सांस्कृतिक सहजीवन तथा सहकार्य पदोन्नति समुह
E-mail: infokanagawa@kifjp.org
「INFO KANAGAWA」को बारेमा आफ्नो साथीहरु अथवा परिवारलाई पनि जानकारी गरिदिनु होस्।
तलको लिङक बाट नाम दर्ता गर्न वा रद्द गर्न सक्नु हुनेछ।
https://www.kifjp.org/infokanagawa/ne
