- 配信日
- 2024年11月22日
- 配信先グループ
- नेपाली
- [IKN24-30]【बाल भत्ता परिवर्तन हुदैछ।】
-
बाल भत्ताको विवरण विस्तार गरिएको छ।
परिवर्तन हुने विवरणमा निम्न चार बुँदाहरु समावेश गरिएको छ।
●उच्च माध्यमिक विद्यालय सम्मका विद्यार्थीहरुले भत्ता पाउने गरि विस्तार गरिने...हालको बाल भत्ता निम्न माध्यमिक विद्यालय सम्म मात्र उपलब्ध छ। तर बाल भत्ता पाउने अवधि उच्च माध्यमिक विद्यालय सम्म परिवर्तन गरिएको छ।
*बच्चाहरु उच्च माध्यमिक विद्यालयमा पढ्ने नगरेको भएता पनि त्यो बच्चा १८ वर्ष पुरा भएको आर्थिक वर्षको अन्त्यसम्म भत्ता दिइनेछ।
●तेस्रो सन्तान र त्यस पछिको सन्तानको लागि दिइने भत्ताको रकम बढ्नेछ।
...३ वर्ष मुनिका बच्चाहरुका लागि प्रति महिना १५ हजार येन (तेस्रो सन्तान र त्यस पछिको सन्तानको लागि ३० हजार येन प्रति महिना) / ३ वर्ष अथवा सो भन्दा माथिका देखि उच्च माध्यमिक विद्यालयका बच्चाहरुका लागि १० हजार येन प्रति महिना (तेस्रो सन्तान र त्यस पछिको सन्तानको लागि ३० हजार येन प्रति महिना)
●आय प्रतिबन्धको उन्मूलन (कमाइ जति भए पनि फरक पर्दैन।)
●भत्ता भुक्तानी गर्ने किस्ताको समय परिवर्तन भई प्रत्येक दुई महिनामा एक पटक भुक्तानी गरिने
...चार महिनामा एक पटक गरि प्रत्येक वर्ष तीन किस्तामा भत्ता भुक्तानी गर्दै आइरहेको थियो।
तर अब बाट दुई महिनामा एक पटक गरि प्रत्येक वर्ष ६ किस्तामा भुक्तानी गर्ने भएको छ।
निम्न सर्तहरु अन्तर्गत पर्ने व्यक्तिहरुले सरकारी कार्यालयमा आवश्यक प्रक्रियाहरु पुरा गर्नुपर्नेछ।
・आय प्रतिबन्धका कारण भत्ताको लागि योग्य नभएका व्यक्तिहरु
・आफ्नो सन्तानहरु सबै उच्च माध्यमिक विद्यालयका विद्यार्थी भएकोले हाल बाल भत्ता नलिएको व्यक्तिहरु
・हाल बाल भत्ता पाइरहेका तर उच्च माध्यमिक विद्यालयमा पढ्ने सन्तान पनि भएको व्यक्तिहरु
・तीन अथवा सोभन्दा बढी सन्तान भएको जसमध्ये पहिलो सन्तान १८ देखि २२ वर्षको भएता पनि उक्त सन्तानको आर्थिक तथा दैनिक जीवनको खर्चको जिम्मा लिनुपर्ने अभिभावक
आवेदन दिनु पर्ने व्यक्तिहरुले नजिकको सरकारी कार्यालयले पठाएको निर्देशन अनुसार अन्तिम म्याद भित्र आवेदन दिनुहोस्।※ यहाँ दिइएको लिङक नखुलेमा、infokanagawa@kifjp.org मा ईमेल मर्फत जानकारी गराउनु होस् ।
**********************
खानागावा अन्तराष्ट्रिय फाउण्डेशन
बहु सांस्कृतिक सहजीवन तथा सहकार्य पदोन्नति समुह
E-mail: infokanagawa@kifjp.org
「INFO KANAGAWA」को बारेमा आफ्नो साथीहरु अथवा परिवारलाई पनि जानकारी गरिदिनु होस्।
तलको लिङक बाट नाम दर्ता गर्न वा रद्द गर्न सक्नु हुनेछ।
https://www.kifjp.org/infokanagawa/ne
