- 配信日
- 2024年09月06日
- 配信先グループ
- Tagalog
- [IKT24-20]【Para sa mga gustong gumamit ng Nursery School at Kindergarten】
-
Sa Japan, ang mga batang 6 na taong gulang ay nagsisimulang pumasok sa elementary sa Abril, ngunit bago iyon, maaari silang pumasok sa Nursery School o sa Kindergarten.
Ang mga Nursery ay pinapasukan ng mga batang may edad na 0 hanggang 6 na taong gulang at ang Kindergarten ay pinapasukan ng mga edad 3 hanggang 6 na taong gulang.
Sa Japan, karamihan sa mga bata ay pumapasok sa Nursery School o sa Kindergarten bago pumasok sa elementary.
Kung nagpapalaki kayo ng inyong anak dito sa Japan, bakit hindi pag-isipang ipasok sa Nursery School o sa Kindergarten?
May mga leaflet na nagpapaliwanag sa iba’t ibang wika
https://www.kifjp.org/child/supporters#hoiku
（Chinese, Vietnamese, Espanyol, Portuges, Ingles）
Sa bandang Oktubre nagsisimula ang aplikasyon para sa mga gustong ipasok ang anak sa Nursery School o Kindergarten sa Abril ng susunod na taon.
Bago mag-apply, mas mabuti na bisitahin muna ang Nursery School o Kindergarten na gusto ninyong pasukan ng inyong anak.
Magkaiba ang panahon ng aplikasyon depende sa inyong tinitirahang lugar, kaya mangyaring sumangguni sa tanggapan ng lokal pamahalaan sa inyong lugar.
Kung kailangan ang interpreter, mangyaring tumawag sa “Gabay sa Iba’t-Ibang Wika sa Kanagawa” nang maaga.
Libre ang interpretasyon sa telepono.
045-316-2770
https://kifjp.org/kmlc/
Libre ang bayad sa Nursery School at Kindergarten para sa mga klaseng mula 3 taong gulang.
※Mula Abril 1 pagkatapos ng ikatlong taong kaarawan ng bata, magiging libre ang bayad sa Nursery School. Libre ang bayad sa Kindergarten kung mag-enroll pagkatapos ng ikatlong taong kaarawan ng bata (subali’t may limitasyon na hanggang 25,700 yen kada buwan).
https://www.cfa.go.jp/policies/kokoseido/mushouka/about/
（Wikang Hapon, Chinese, Espanyol, Portuges, Ingles, Korean)
※Mangyari lamang na ipaalam sa amin kung hindi ma-access ang nasabing link.
[infokanagawa@kifjp.org]
**********************
Kanagawa International Foundation
E-mail:infokanagawa@kifjp.org
Mangyaring ipaalam rin sa mga kaibigan, pamilya at iba pang kakilala ang “INFO KANAGAWA”.
Pagpa-parehistro / mangyaring magpakansel dito.
https://www.kifjp.org/infokanagawa/ta
-
