- 配信日
- 2020年01月30日
- 配信先グループ
- Tagalog
- [IKT19-34]【Mga Nararapat Gawin sa Pagsilang ng Sanggol】
-
Mayroong mga nararapat gawin kapag nagsilang ng sanggol sa Japan.
●[Shussei Todoke] "Pagpaparehistro ng Kapanganakan"
Kapag nagsilang ng sanggol, tiyakin ang pagsumite ng "Shussei Todoke" o "Pagpaparehistro ng Kapanganakan".
Ito ay nararapat na isumite sa loob ng 14 na araw mula nang ipinanganak ang bata.
Saan makakakuha ng papeles: ospital kung saan nanganak o tanggapan ng munisipyo
Sino ang magsusulat ng Shussei Todoke: Ama o Ina ng sanggol. Maaring isumite ito ng kahit na sino sa tanggapan ng munisipyo.
Lugar ng Pagsumite: Tanggapan ng munisipyo na malapit sa lugar kung saang ipinanganak ang sanggol o munisipyo na malapit sa tirahan ng ama o ina ng sanggol.
Mga nararapat dalhin sa pagsumite: "Inkan" o personal stamp na ginamit sa Shussei Todoke, "Boshitechou", o "Mother and Child Health Handbook" at Identification Certificate o dokumento ng pagkakakilanlan.
※May pagkakaiba ang mga dokumentong nararapat na isumite ang bawat distrito.
Mangyaring magtanong sa tanggapan ng munisipyo upang makasiguro.
Para sa mga dayuhang nasyonalidad, mayroong mga dokumento na nararapat na isumite sa embahada o tanggapan ng imigrasyon.
Mangyaring tingnan ang mga sumusunod na website para sa karagdagang impormasyon.
http://www.kifjp.org/child/tag/chartlist#list06 （Tagalog）
●Pagdalaw sa Tahanan
Pagkalipas ng ilang araw mula sa pagkasilang ng sanggol, may komadrona o public health nurse ng munisipyo na magbibisita sa inyong tahanan.
Ito ay upang matiyak ang kalagayan ng sanggol at ina matapos ang kapanganakan.
Karaniwa'y, tumatawag muna sa telepono ang komadrona o nurse upang mapagpasyahan kung kailan sila dadalaw, ngunit kapag hindi nagkausap sa telepono, maaaring bigla na lang silang dumalaw.
Kapag walang dumalaw o tumawag matapos ang ilang buwan mula sa panganganak, mangyaring magtanong sa lokal na tanggapan ng munisipyo ng pinaninirahang distrito.
Kailangang magsumite ng "Shussei Renrakuhyou" o "Abiso ng Kapanganakan" o Birth Reporting Form upang magkakaroon ng pagdalaw sa tahanan.
Pagsilang ng sanggol, mangyaring punan ang porma at dalhin sa tanggapan ng munisipyo o ipadala sa pamamagitan ng koreyo sa lalong maagang panahon.
Ang dokumentong ito ay nakalakip sa "Boshitechou" o Mother and Child Health Handbook o kaya'y sa "Ninpu Kenkou Shinsahyou Hojoken" o "Tulong Pinansiyal para sa Pagsusuri ng Pagbubuntis".
Kapag wala, mangyaring humingi sa tanggapan ng munisipyo.
★Website para sa suporta sa pangangalaga ng anak
Maaring makikita ang impormasyon na makatutulong gamit ang iba't ibang wika, tungkol sa pagbubuntis, panganganak at pangangalaga ng anak sa susunod na website!
Mayroon din video na nagpapaliwanag upang madaling maunawaan. Mangyaring panoorin ito.
http://www.kifjp.org/child/tag/chart
☆★INFO KANAGAWA quiz★☆
Ang ika-3 ng Pebrero ay tinatawag na "Setsubun" at ito ay selebrasyon ng bisperas ng tagsibol sa Japan.
Sa Japan. Sa araw na ito, mayroong tradisyon na maghagis ng beans upang maiwasang magkasakit at manatiling maayos ang kalusugan.
Habang hinahagis ang beans palabas ng bahay, ang mga tao ay magsisigaw ng "Oni wa soto" o ang ibig-sabihi'y "Lumabas ang demonyo" Habang hinahagis naman ang beans papasok ng bahay, ang mga tao ay magsisigaw ng "Fuku wa uchi" o "Pumasok ang suwerte".
Alam ba ninyo kung ano raw ang nararapat gawin sa mga beans upang mapanatiling maayos ang kalusugan?
Ano ang tamang sagot sa ①②③?
① Itanim ang beans sa lupa at palakihin.
② kumain ng beans ng bilang na pareho sa iyong edad.
③ maglagay ng maraming beans sa loob ng medyas at ibitin ito malapit sa kama.
Malalaman ang sagot sa susunod na INFO KANAGAWA!
※Mangyari lamang na ipaalam sa amin kung hindi ma-access ang nasabing link.
[infokanagawa@kifjp.org]
**********************
Kanagawa International Foundation
E-mail:infokanagawa@kifjp.org
Mangyaring ipaalam rin sa mga kaibigan, pamilya at iba pang kakilala ang “INFO KANAGAWA”.
Pagpa-parehistro / mangyaring magpakansel dito.
http://www.kifjp.org/infokanagawa/ta
-
