- 配信日
- 2022年03月03日
- 配信先グループ
- Tagalog
- [IKT21-41]【Mga Kailangang Gawin sa Paglilipat ng Tirahan】
-
May mga kailangang gawin kapag nagpasya kayong lumipat ng tirahan.
Kailangan rin gawin ang mga nararapat na pamamaraan kapag lilipat sa ibang bansa, o aalis ng Japan upang bumalik sa sariling bansa.
Ang nilalaman ng pamamaraan ay ang mga sumusunod.
① Pagkansela ng Paupahang Bahay
Kapag kayo ay nakapagpasya na lilipat ng bahay, kailangang sabihan ang kumpanyang namamahala ng inyong inuupahan bago kayo magsimula ng paglilipat.
② Paaralan ng mga Bata
Kapag nakapagpasya na lilipat, kailangang sabihan din kaagad ang homeroom teacher.
③ Pamamaraan sa pagbabago ng postal address.
Mag-sumite ng abiso ng paglipat sa post office. Maaring gawin din ito online o gamit ang internet.
Matapos makumpleto ang pamamaraan, ang mga sulat at iba pang mga padala sa lumang address ay ipapadala sa bagong address/tirahan.
④ Pamamaraan sa paglilipat para sa kuryente, gas, tubig, internet, atbp.
Makipag-ugnayan sa naka-kontratang kumpanya ng kuryente, gas, tanggapan ng patubig, at ipaalam ang inyong paglipat.
⑤ Pamamaraan para sa mga institusyong pampinansiyal
Kailangang baguhin ang inyong address na naka-rehistro sa inyong bangko at kumpanya ng credit card.
●Mga kailangang gawin sa pampublikong tanggapan ng lungsod:
Magsumite ng “moving-out notification” o “TENSHUTSU-TODOKE” sa munisipyo ng lungsod na tinitirhan. Kailangang isumite ang notipikasyon para sa buong pamilya. Ito ay maaaring isumite bago pa lang lumipat ng tirahan.
Pagkatapos magsumite ng notipikasyon, mangyaring kumuha ng “moving-out certificate” o “TENSHUTSU-SHOUMEISHO”. Ito ay kinakailangan sa paglipat sa bagong tirahan.
★Maari mo rin isabay ang pagbabago ng address ng residence card. Magpunta sa nakatakdang counter para ipaalam ang bagong address.
Sa loob ng 14 na araw mula sa inyong paglipat, asikasuhin ang proseso ng “moving-in” o “TENNYU”. Isumite sa munisipyo na inyong nilipatan ang inyong “moving-out certificate” o “TENSHUTSU SHOUMEISHO” na kinuha sa dating pinanirahan.
★Para sa mga taong mayroong “My Number Card”, mangyaring baguhin rin ang address na nakarehistro dito.
Kapag may mga anak na nag-aaral sa elementary o Junior High School, mangyaring itanong sa munisipyo ang tungkol sa proseso ng paglilipat ng paaralan. Maaaring sa Board of Education o “KYOUIKU-IINKAI” gagawin ang naturang proseso.
Ang bawat proseso na naitala sa itaas tungkol sa paglipat ng bahay ay walang babayaran na processing fees.
Napakahalagang isagawa ang bawat pamamaraan sa munisipyo o pampublikong tanggapan ng lungsod, tiyakin na gawin ito.
※Mangyari lamang na ipaalam sa amin kung hindi ma-access ang nasabing link.
[infokanagawa@kifjp.org]
**********************
Kanagawa International Foundation
E-mail:infokanagawa@kifjp.org
Mangyaring ipaalam rin sa mga kaibigan, pamilya at iba pang kakilala ang “INFO KANAGAWA”.
Pagpa-parehistro / mangyaring magpakansel dito.
https://www.kifjp.org/infokanagawa/ta
-
