- 配信日
- 2022年03月11日
- 配信先グループ
- Tagalog
- [IKT21-42]【Paraan ng paggamit ng “Disaster Emergency Message Dial 171”】
-
Kapag nangyari ang sakuna tulad ng lindol, pagputok ng bulkan, at iba pa, maaaring magkaproblema sa koneksyon sa telepono dahil sa biglang pagdami ng tawag patungo sa pinangyarihan ng sakuna.
Sa ganitong sitwasyon para maiwasan ang problema, magsisimula ang serbisyong “Disaster Emergency Message Dial 171”.
Ang “Disaster Emergency Message Dial 171” ay isang voice message board na nagbibigay-daan sa mga taong nasa lugar ng sakuna na mag-rekord ng mensahe at ito ay mapakinggan.
~Paraan ng Paggamit~
●Kapag gusto mo mag-record ng mensahe:
① Tumawag sa numerong 171.
② Kapag narinig ang automatikong response, pindutin ang [1].
③ Kung ikaw ay nasa lugar ng sakuna at gustong mag-iwan ng mensahe para mapakinggan ng kakilala mo, pindutin ang iyong numero ng telepono.
Kung ikaw ay nasa lugar ng sakuna at ang taong gusto mong kontakin ay nasa lugar din ng sakuna, pindutin ang numero ng telepono ng taong iyon, Kung ikaw ay wala sa lugar ng sakuna, pindutin ang numero ng telepono na may local area code ng taong gusto mong kontakin na nasa lugar ng sakuna.
④ Kapag narinig ang automatikong response, pindutin ang [1].
⑤ Pagkatapos ng announcement na magsisimula ang recording, makakarinig ka ng “beep” na tunog. Mag-iwan ka ng mensahe sa loob ng 30 segundo.
⑥ Pagkatapos ng 30 segundo, tutunog ulit ang “beep” sound, at ipi-play ang na-rekord na mensahe.
⑦ Ibaba ang telepono.
●Paano mapapakinggan ang na-rekord na mensahe ng kakilala mo:
① Tumawag sa numerong [171].
② Kapag narinig ang automatikong response, pindutin ang [2].
③ Kung ikaw ay nasa pinangyarihan ng sakuna at gusto mong pakinggan ang mensahe na iniwan para sa iyo, pindutin ang iyong numero ng telepono.
Kung ikaw ay nasa lugar ng sakuna at ang taong nais mong kontakin ay nasa lugar din ng sakuna, pindutin ang numero ng telepono ng taong iyon.
Kung wala ka sa lugar ng sakuna, pindutin ang numero ng telepono na may local area code ng taong gusto mong kontakin na nasa lugar ng sakuna.
④ Kapag narinig na ang automatikong response, pindutin ang [1].
⑤ Ipi-play ang mensahe.
⑥ Kung nais mapakinggan muli ang mensahe, pindutin ang [8].
Kung nais mapakinggan ang susunod na mensahe, pindutin ang [9].
⑦ Upang mag-iwan ng tugon sa mensaheng narinig mo, pindutin ang [3] at mag-rekord ng mensahe.
⑧ Ibaba ang telepono.
Hindi natin alam kung kailan daraating o mangyayari ang sakuna.
Maging handa lagi, sa pamamagitan ng pagtiyak ng sariling numero ng telepono at numero ng telepono ng taong nais mong kontakin kapag sakaling may dumating na sakuna.
Tuwing ika-1 at ika-15 na araw ng buwan, magagamit ang “Disaster Emergency Dial 171” para sa pagsasanay. Mangyaring subukan ito upang malaman kung paano gamitin kung sakaling may dumating na sakuna.
●Mayroong mga gabay sa paghahanda sa sakuna na nakasalin sa iba’t-ibang wika.
Mangyaring basahin din ang mga nilalaman nito.
https://www.kifjp.org/shuppan/multi
http://www.kifjp.org/disaster/
※Mangyari lamang na ipaalam sa amin kung hindi ma-access ang nasabing link.
[infokanagawa@kifjp.org]
**********************
Kanagawa International Foundation
E-mail:infokanagawa@kifjp.org
Mangyaring ipaalam rin sa mga kaibigan, pamilya at iba pang kakilala ang “INFO KANAGAWA”.
Pagpa-parehistro / mangyaring magpakansel dito.
https://www.kifjp.org/infokanagawa/ta
-
